في بداية كلامي الموضوع الي انا جايباه النهارده مش من كتابتي لكنه منقول
للاهميه والعبره في نفس الوقت معا ... بس افهموا الموضوع كويس وبالذات للشباب والبنات
الي داخلين على جواز لازم يبقهموا الموضوع كويس .. الموضوع بجد مش هزار المره دي .
بسم الله نبدأ الحكايه
ترن.. ترن قلقت من نومي على صوت الرن المستفز وماكنتش عارفة هو التليفون ولا المنبه عشان أكسره، المهم كان
التليفون.. وبنص عين لمحت نمرة صاحبتي.. بدري كده! دي الساعة تمانية ونص الصبح.
أنا: ألو.
هي: صباح الخير معلش صحيتك.
أنا: ولا يهمك إنتِ عاملة إيه؟
هي: أنا اتطلقت.
أنا بأسلوب "إسماعيل يس": آآآه طب كويس والله.. إيييييييييييه؟!
هي: امبارح الساعة 2 باليل.
طبعا ماكانش وقته خالص أقول لها إنها تقصد الساعة الثانية صباحا، ولا ردها ده على سؤال عاملة إيه يكون كده، كنت
بالكتير قوي أتوقع الجملة السخيفة عاملة جمعية أو بامية.. مش..
اتطلقت!
كل اللي قلته: ليه ما إنتم اتصالحتم امبارح!
قعدت تحكي عن اللي عمله بعد ما الجماعة اللي صالحوهم مشوا وعن اللي والدته ووالده وعمته وأولادها ونينته عملوه
وقالوه، واللي خلى ماماتها وباباه وطبعا هي يردوا فرمى عليها اليمين تاني.. أقصد تالت، قفلت معاها بعد ما قلت لها إني
هازورها فورا، وقعدت على أول كرسي لاقيته قدامي وقعدت أفكر ازاي هانت عليهم العشرة كده، وازاي تطلب هي الطلاق
وهو يطلقها وهم واللي معاهم عارفين إن دي هتكون الثالثة، طيب وابنهم اللي يادوب بيمشي هيعمل إيه وهيتعمل فيه إيه؟
ازاي أبوه يحرمه منه وهو اللي كان كل ما جرس الباب يرن يجري وهو بينده على باباه حتى لو كان اللي على الباب
البواب؟ الغريب بقى إنها طمنتني إنها مش هتسيب حقها وهتاخد المؤخر واللي في القايمة!
ياه ده الجواز اليومين دول بقى غريب.. قبل كتب الكتاب لازم العريس يمضي على قايمة بالمفروشات تثبت حق العروسة
في كل شيء في الشقة، ولا مانع طبعا من كتابة رقم فلكي في خانة المؤخر حتى يربطوا العريس من إيده اللي بتوجعه -
اللي ممكن قوي لو حط في دماغه الغدر هيقطعها ويخلص-، والغريب إنه بعد الطلاق يتصارع الزوجان.. أقصد المطلقان
على العفش وتسعى المطلقة للحصول على السفرة والصالون لتكومهما في مخزن أو في غرفة في منزل والدها حتى تحرق
قلب مطلقها.. وأتساءل ألا يحرق التصرف ده قلبها هي كمان، ومابتفتكرش مثلا لما وقعت طبق الشوربة على السفرة في
أول يوم قعدوا عليها، ولما جرت هي وهو عشان ينظفوا وهم بيضحكوا، أو لما حرقت صينية البطاطس في الفرن في أول
مرة تطبخ فيها..
هل يصبح من السهل عليها تكويم عفشها وذكرياتها في غرفة رطبة ليغطيه التراب والعنكبوت، وهل المؤخر مهما بلغ
يعتبر تعويضا عن ذكريات حلوة لأيام طالت أو قصرت بينهما.. بيتهيألي إن الفلوس أو الحموات أو.. أو مش السبب في
الطلاق، ولكنها القسوة، ولأن الزواج علاقة مقدسة تقوم على المودة والرحمة فباختفائهما توقع أي شيء.
كلمة قالتها جدتي -رحمها الله- لأبي من 25 سنة وقالها أبي لجوزي "إنت هتاخد بنتي.. قايمة إيه ولا مؤخر إيه اللي
هادور عليه؟ خد بالك من بنتي وبس"..
وده لأن الراجل مش هو اللي هيدفع مقدم كام ولا اللي هيكتب مؤخر كام لأنه لو عاوز يعمل حاجة هيلاقي ألف طريقة عشان يلاوع..
أثبتوا للراجل حسن النية والثقة واجعلوا المودة والرحمة أساس التعامل وإن كنتم شاكّين فيه من الأول.. بلاش منه
خالص.. وبلاه "فوزي" خدي "عبده" –على طريقة "فؤاد المهندس"- بلاها "نادية" خد "سوسو
البوابة 
الرئيسية 
أحدث الصور 
التسجيل 
دخول 
الثلاثاء يناير 08, 2008 7:16 pm